Video
Read full review
2008-11-05
13 views
** 此 食 肆 的 第 十 六 個 笑 **尋晚(4-11-2008 Tue)放o左工同男友去醫院睇媽媽,之後我唔同家人食飯,只同男友食,我話唔係好餓,想食小小o野就夠,咁佢就話o黎呢間.我同佢叫o左1.$20.00o既清湯牛腩河呢個牛腩幾多,又腍,有件好大個蘿蔔,同河粉一樣都好腍.湯真係好清,冇味精,唔錯.2.好似$38.00o既淨咖喱牛腩男友話畀我試吓辣唔辣,見有好多紅油,但又唔係好辣,相反好重椰香,不過薯仔入晒味,好辣.而呢隻牛腩都腍,但就唔夠清湯牛腩o既腍.啲汁要o黎送飯一流.不過呢個就貴o左啲.3.$12.00o既油菜要o左生菜,唔多油,蠔油都冇乜.最後同男友一人叫一罐汽水,共$16.00.呢餐共$86.00,都幾貴.服務:我o地坐低食o緊o野時,有四個客人到o黎,猶豫o左就走,一個負責執o野o既婆婆同收銀都努力留住佢o地,但年輕肥肥地可能係老闆或太子仔之類o既哥仔就同佢o地講,唔使叫喇,佢o地唔識貨就算.點知佢o地四個返轉頭食,個男o既態度即刻180度轉變咁,好好禮貌咁招呼人o地,重有問必答.而中途,佢同廚房o個個講o左多次唔知咩雞X(粗口)麵,收銀o既話人o地係鬼佬o黎
尋晚(4-11-2008 Tue)放o左工同男友去醫院睇媽媽,之後我唔同家人食飯,只同男友食,我話唔係好餓,想食小小o野就夠,咁佢就話o黎呢間.
我同佢叫o左
1.$20.00o既清湯牛腩河
呢個牛腩幾多,又腍,有件好大個蘿蔔,同河粉一樣都好腍.湯真係好清,冇味精,唔錯.
2.好似$38.00o既淨咖喱牛腩
男友話畀我試吓辣唔辣,見有好多紅油,但又唔係好辣,相反好重椰香,不過薯仔入晒味,好辣.
而呢隻牛腩都腍,但就唔夠清湯牛腩o既腍.啲汁要o黎送飯一流.不過呢個就貴o左啲.
3.$12.00o既油菜
要o左生菜,唔多油,蠔油都冇乜.
最後同男友一人叫一罐汽水,共$16.00.
呢餐共$86.00,都幾貴.
服務:
我o地坐低食o緊o野時,有四個客人到o黎,猶豫o左就走,一個負責執o野o既婆婆同收銀都努力留住佢o地,但年輕肥肥地可能係老闆或太子仔之類o既哥仔就同佢o地講,唔使叫喇,佢o地唔識貨就算.點知佢o地四個返轉頭食,個男o既態度即刻180度轉變咁,好好禮貌咁招呼人o地,重有問必答.
而中途,佢同廚房o個個講o左多次唔知咩雞X(粗口)麵,收銀o既話人o地係鬼佬o黎.咁我即意會到佢寸人o地發音唔正,呢個人真係.
本身食物都可以,但呢位哥仔o既待客之道有點兒那個.反而個婆婆真係好有禮貌,我o地食完o野,我重飲o緊罐忌廉時,佢走o黎執o野,但好好禮貌咁叫我o地慢慢,我話:啊,我o地都走喇,唔阻你o地做生意.佢話唔係,唔阻,我唔係趕客.其實我都知佢唔係趕客,只係都冇所謂,可以拎埋罐o野起身走啫.
服務分因見到o個個哥仔咁樣,雖然(當時)唔影響我,但我肯定我o地走o左之後就會講我o地,所以要扣一分.
笑容係畀食物同婆婆o既.
另:上o黎至知原來呢o度叫食得棧
Post