家常麵

Open Now

Now Closed

呢間餃子差唔多每個星期都會幫襯一次買返屋企煲麵，鍾意佢有家既味道，感覺健康✨今日收工黎試下堂食， 先飲個蟲草花燉乳鴿湯， 入面仲有紅棗， 味道好清甜無味精既感覺。✨陳皮山渣洛神花茶： 酸酸甜甜幾開胃，而且洛神花本身都好有益，有養顏美容、降血壓護肝等功效，好過飲汽水。✨招牌擔擔麵+菜肉雲吞: 菜肉雲吞皮薄餡多, 擔擔面可以比我走辣太開心，唔錯有淡淡既花生香，入面仲有榨菜,肉碎，櫻花蝦。✨招牌花生醬拌餃： 呢個柳葉餃真係包得好靚，喺其他地方好少見到. 食落係超熱,入面既饀係韭菜，蔥，紅蘿蔔，豬肉。花生醬都香，但個餃味相對突出， 之後我拎個醬黎撈左啖麵，原來係好好食，下次可以試花生醬拌麵。✨美味燻魚：唔係講笑呢個真係好好食, 以前食開果d 燻魚都係乾爭爭。 呢個汁本身已經好好食酸酸甜甜，個魚係微脆得黎好嫩滑而且無骨，啱晒我哋呢啲唔識食魚既朋友。✨香炸雞中翼 : 新鮮炸起超級熱， 個雞翼都幾大隻，外脆內軟嫩滑多汁， 仲有d 香草味，我覺得好食過譚x.原來除左餃子，炸物都真係幾有驚食👍🏻如果過黎一定要試下。