Mai 新派泰式料理 (Closed)

唔好以為泰國食店只係得辣野食。這裡的午餐其實也有不少咁香港人口味的，例如湯粉之類，會岩我們那些唔食得辣既人。我要一個豬頸肉飯，朋友就要個海鮮焗飯。我的豬頸肉略瘦，但幾有口感，醬汁酸酸地辣辣地(但唔會太辣)，送飯唔錯。碟飯都好大碟，幾乎食唔完。朋友既海鮮焗飯好香，賣相幾好，雖然我沒有試，朋友卻話好正好正，相信佢都唔會講大話。跟餐有一杯飲品，有些是頗有特色的，但我就偏要了最普通的可樂。隻杯形狀幾特別，卻好細杯，兩啖就飲晒。建議佢換番隻大杯，因為如果食辣野呢杯飲品就一定唔夠。揚手好耐都落唔到單。不過公平點來說，我覺得侍應唔係懶，似乎只是人手不足而已。