九份飽 (淘大商場1期)

Open Now

Now Closed

裝修特別有台灣氣息，而且主要係後生仔女幫襯，禮拜日12點幾入座，過一陣就已經要排隊，見其他人話食到台灣嘅味，睇吓點😏細魯肉飯： 台灣嘅賣相唔係切粒嘅，係比較爛多少少但又未至於肉燥飯嗰種爛，調味可以，但唔覺係台灣嘅味道。牛肉米：賣$49以為係細細碗，原來份量好足，有成4-5舊牛肉，有牛肉味，湯底偏甜，用新竹米粉，呢個值得推薦，但同行友人話都係唔及茶木個牛肉麵，但我覺得以價錢來講呢個稍勝。刈包： 腩肉，砂糖，花生做餡嘅甜包，台灣人係鍾意咸咸甜甜咁食嘅，ok啦。鹽酥雞： 呢個以為Signature，點知係無味嘅，似脆唔脆咁，越食越油，食一半無食了。海苔培根蛋餅： 成個餅幾鬆散，正常嘅手抓餅加一隻蛋嘅蛋皮，好彩佢有台灣甜辣醬先似番台灣野咋。