易牙台式料理

Open Now

Now Closed

OpenRice account 開左咁耐，第一次覺得難食到要寫食評！我地兩個人食，叫左滷肉飯，豬手飯，鴨舌同牛肉麵，跟餐送桂圓紅棗茶。雖然滷肉飯好細碗，只係三秒已經食完，但係佢味道最正常既。之後既豬手飯開始黎料，豬手係爽既，完全唔入味，汁亦都係得少少，完全唔夠撈飯。鴨舌聲稱係麻辣味，但係出到黎係得花椒味，麻同辣呢？？味道超怪！最後係以為自己叫錯羅宋湯既牛肉麵，湯料有番茄，紅蘿蔔，白蘿蔔，好多洋蔥，極度唔啦更🤷🏻‍♀️冇牛肉味，又食到成口油！最緊要係本身麵身都好淋好黏，口感奇怪。最後最後...連開出黎既桂圓紅棗茶都係怪味，無桂圓無紅棗，味道似利是糖溶左係水。