Relish Kitchen by ALOT (Closed)

Relish 由觀塘開始已經開始幫襯，主要欣賞佢地食物嘅質素。今次係Airside 同進口實木傢俬舖crossover開咗呢間佔地6000尺嘅餐廳，落地玻璃望到發展緊嘅啟德，景觀開陽，座位空間感都好夠，枱與枱之間又好闊落，仲可以帶寵物一齊嚟。午市套餐大約百零蚊嘅價位，加錢就可以叫埋其他飲品。分別叫咗個芝士明太子龍蝦包配田園沙律及炸蕃薯條/松露醬同埋蒜香野菌海鮮扁意粉，跟餐湯或者沙律。龍蝦包好鬼足料，成條龍蝦尾係個包入面，炸番薯都好好食。海鮮扁意粉有大蝦、青口、帆立貝。飲品推薦飲佢哋啲台灣有機茶，奇萊山青心烏龍茶味道極之強烈，愛茶之人一定鍾意。另外嗰高腳杯嘅係Relish Rose，佢哋嘅signature飲品，係乾玫瑰花紅茶黑咖啡，帶玫瑰花香又有咖啡同茶嘅回甘。佢哋啲Cake都好靚，呢個成支雪條咁嘅係宇治抹茶蛋糕配日本紅豆，唔係得賣相，真係好食。