川之源

Open Now

Now Closed

呢間小店本來開咗好耐係最近先去試食，間店係（正街62號），最近同朋友食過味道唔錯，價錢唔貴咁就再約朋友食，今次book完位，係當日早兩個鐘就打黎，問我地準唔準時到，我話我地係附近一定準時，再問我地係邊，佢跟住就話不如去佢新店，地址比較近（正街1號寶豐大廈一樓）一個街頭一個街尾，咁我地話冇問題丫，當時佢只係講呢啲野，但係去到上去睇到佢寫私房菜，當時已經打個突，好啦，坐低一打開餐牌每樣貴十幾蚊到三十幾蚊不等🤬。問一問先話係呀，呢度係貴少少🤏🙄，呢度坐得舒服冇限時，地鋪仲要得90分鐘，呢度限你，咁都坐低咗，咁叫野食，嘩⋯⋯⋯呢間私房菜啲嘢好鬼鹹，味道又唔太好，比起地舖味道（地舖好過佢）差一節，價錢已經比貴咗，仲要加埋一，杯碟用紙市一抺污糟到呢。如果你叫我改位置，一早講明，價錢唔同話唔會限時，而我又選擇嚟呢度，依兩舊幾我心甘情願俾你，咁樣做所以覺得唔老實，所以一定要講比大家知，小心領野！如果要食嘅話要去地舖本店！但係我唔會再返去！麻辣小龍蝦，地舖本店218 ，新店$248，相差$30