嗦爸螺螄粉

Open Now

Now Closed

好多post都話螺螄粉好臭，是晚朋友帶我黎嗦爸試下，店外確實係有陣酸辣味，但唔覺臭仲幾好聞添喎。店內係寫紙仔落單，由朋友拍板點野食，叫左兩碗粉同幾個小食試下🤤⭐嗦爸螺螄粉+招牌金絲炸蛋呢間螺螄粉口味來自廣西，再由港人老闆調配，口味較適合香港人😋先來碗招牌粉再加螺螄粉必備炸蛋，上枱時真系唔覺臭㗎😆下層配料有花生、木耳、炸腐竹、酸筍、酸豆角、蘿蔔乾等，酸酸辣辣口感豐富，湯頭鮮味好飲，老闆話佢地嘅湯用左好多個鐘煲出黎，絕對唔係科技野👍點小辣啱啱好，飲左大半碗湯都唔口渴。⭐鮮茄雞扒撈粉朋友今次試佢地嘅撈粉，揀左蕃茄口味，配料同上。雞扒一大塊，煎得皮脆肉嫩🤤米線彈牙有嚼勁，同一般米線舖口感唔一樣呢，呢度個米線好好食喎。⭐貢菜無骨雞腳朋友一向愛食白雲鳳爪，就點左呢度嘅無骨雞腳，酸酸辣辣好開胃，雞腳有咬口。⭐蒜泥白肉勁多蒜好香呀🤤加埋辣油夠惹味。⭐海鹽蔥油牛脷牛脷好軟嫩，鹹鹹地幾好味，上枱時係微溫的，但放到涼左有啲油膩，建議襯熱食😆⭐牛油果蝶豆花鮮奶 & ⭐可樂老闆介紹有新特飲，藍白綠漸層好靚呀，好多牛油果肉好綿滑，入面仲有蒟蒻粒（？）爽爽地增加咬口，一大鮮奶特飲勁飽肚🤤好飲又解辣，正！店內好多熟客