馬丁王越式法包 (Closed)

年底要清假，最正就係瞓到自然醒，再出動去揾食。之前睇電視介紹一間越南三文治，一直好想試，今日終於有機會。店舖喺佐敦恒豐酒店附近，好易揾。店仔細細，專做外賣，只有兩張吧椅供堂食。我三點去到，冇咩人，叫左個招牌法包三文治（半條），加杯熱咸桔仔水。三文治即做，好快有得食。個包非常脆，餡料唔萛非常豐富，其實份量最多嘅只係醃蘿蔔，越南法包三文治嘅精髓-鴨肝醬，份量好少，如果唔係食正嗰啖，都唔知佢有落。其他餡料味道萛一般，整體感覺係麻麻地，最讚只係個包好脆。