Video
Read full review
2018-03-05
48 views
新年後又凍凍地，食下川菜系最好~食個正宗酸辣粉先，熱辣辣紅薯粉配上入曬味既滷蛋，入口既化既豬軟骨。好正~雖然係麻辣，但係唔太辣，反而係香比較多。最適合想食川菜，但係又受唔到勁辣既朋友仔。老友食牛肉刀削面~正。刀削面唔同其他店咁鞋，好滑好彈牙比紅薯粉仲更加有咬口。牛肉好霖，配上小小麻辣~牛香同辣香。絕配~至於小菜方面，份量唔會太大，剛剛好，價錢親民，可以試曬全部都唔貴。有麻辣雞絲，雞絲真係一絲絲唔似其他地方求其搣條狀，夠曬索味，又唔鞋。還有清脆手拍青瓜，香濃尖椒黃金皮蛋，蛋黃濃郁香滑。仲未飽?繼續，熱辣辣皮薄餡多既紅油抄手。口水雞翼就略顯唔入味。食完梗係試下招牌甜品，紅糖冰粉~淡淡紅糖甜香配上彈性十足既冰粉…面頭撒小小提子乾同山楂碎。味蕾升lev~呢間真係好食~抵食質素高。讚！！
新年後又凍凍地，食下川菜系最好~
食個正宗酸辣粉先，熱辣辣紅薯粉配上入曬味既滷蛋，入口既化既豬軟骨。好正~雖然係麻辣，但係唔太辣，反而係香比較多。最適合想食川菜，但係又受唔到勁辣既朋友仔。
老友食牛肉刀削面~正。刀削面唔同其他店咁鞋，好滑好彈牙比紅薯粉仲更加有咬口。牛肉好霖，配上小小麻辣~牛香同辣香。絕配~
至於小菜方面，份量唔會太大，剛剛好，價錢親民，可以試曬全部都唔貴。有麻辣雞絲，雞絲真係一絲絲唔似其他地方求其搣條狀，夠曬索味，又唔鞋。
還有清脆手拍青瓜，香濃尖椒黃金皮蛋，蛋黃濃郁香滑。
仲未飽?繼續，熱辣辣皮薄餡多既紅油抄手。口水雞翼就略顯唔入味。
食完梗係試下招牌甜品，紅糖冰粉~淡淡紅糖甜香配上彈性十足既冰粉…面頭撒小小提子乾同山楂碎。味蕾升lev~
呢間真係好食~抵食質素高。讚！！
Post
