南駅 (Closed)

Boss今日無返office，小秘書又可以唔使屈喺鰂魚涌捱貴飯。準時出發落筲箕灣食lunch🍚 成條大東街都係餐廳，我哋打算續一試勻。今日見「南駅」最多食客👀羊群心理... 就揀呢間。餐牌上有各式各樣選擇，食物價錢都係七八十蚊左右💸 又唔算得好平，不過一場嚟到，點都揀個自己鍾意食嘅🥳 見今日口淡淡，好快就揀咗個 #咖哩牛腩飯。因為驚啲咖哩辣，所以加咗杯凍檸茶以備不時之需🥴不過原來個咖哩汁一啲都唔辣㗎，反而我覺得咸咗啲🥴 但味道ok！#首領 因為唔食牛又唔食豬🤷🏼‍♀️ 所以只好揀咗個 #鰻魚龍仔糯米飯，佢話味道都好好呀，其餘兩個同事都食哂碟飯呀。可惜啲侍應就cool咗啲，仲好快手咁搶走哂人哋睇緊嘅餐牌... 哈 咁有性格，唔怪得咁好生意啦！