Video
Read full review
2024-07-24
3090 views
今日帶住個小朋友同兩個老人家搵嘢食，個小朋友唔係好鍾意食中餐，不過為咗就老人家就揀咗呢度。餐廳入面嘅裝修真係好中式。我哋坐低先叫咗幾個小食，全部都好唔錯。👍🏼我初初以為小朋友一定唔鍾意食鎮江餚肉，可能因為凍凍地又酸酸地，出乎意料之外，佢竟然食咗一嚿仲話好食𠻹😂。我自己覺得餚肉嘅酸度同口感都啱啱好，好似食緊酸酸哋嘅果凍咁，好開胃。😋我哋叫咗滬醬鴨舌，我唔敢話俾個小朋友知鴨舌係乜嘢😅，不過真係估唔到佢夾完又夾。😂我都幾鍾意今晚呢碟鴨舌，望落去好深色，不過一啲都唔咸😋，一啖一條原來已經食咗好多。😅個小朋友一向對蝦麻麻地，今日嘅油爆鮮蝦竟然成隻食哂！😋我初初見到個餸名以為啲𧎚殼係炸到脆哂嗰啲。點知原來唔係嘅。啲蝦殼雖然係腍嘅但係好入味😋，我仲將成個蝦殼食埋落肚，當然冇食個𧎚頭啦。😂我哋個個都鍾意食海蜇，所以叫咗蔥油海蜇頭，口感爽、味道都可以，只係麻油味重咗啲。我哋本身想叫蟹粉小籠包，不過佢哋剩係有正常小籠包。入面好多汁，要小心夾，穿咗就嘥晒啲精華啦。每次食上海菜都會叫雞絲粉皮，呢度啲份量比較少，但係勝在麻醬好滑，唔會食到「䊢」住個口。輪到我嘅至愛鍋貼，都算唔錯，肉嫩多汁，😋不過我個人比較喜歡個
我初初以為小朋友一定唔鍾意食鎮江餚肉，可能因為凍凍地又酸酸地，出乎意料之外，佢竟然食咗一嚿仲話好食𠻹😂。我自己覺得餚肉嘅酸度同口感都啱啱好，好似食緊酸酸哋嘅果凍咁，好開胃。😋
鎮江餚肉
$118
70 views
0 likes
0 comments
我哋叫咗滬醬鴨舌，我唔敢話俾個小朋友知鴨舌係乜嘢😅，不過真係估唔到佢夾完又夾。😂我都幾鍾意今晚呢碟鴨舌，望落去好深色，不過一啲都唔咸😋，一啖一條原來已經食咗好多。😅
滬醬鴨舌
$158
56 views
0 likes
0 comments
個小朋友一向對蝦麻麻地，今日嘅油爆鮮蝦竟然成隻食哂！😋我初初見到個餸名以為啲𧎚殼係炸到脆哂嗰啲。點知原來唔係嘅。啲蝦殼雖然係腍嘅但係好入味😋，我仲將成個蝦殼食埋落肚，當然冇食個𧎚頭啦。😂
油爆鮮蝦
$128
63 views
0 likes
0 comments
我哋個個都鍾意食海蜇，所以叫咗蔥油海蜇頭，口感爽、味道都可以，只係麻油味重咗啲。
蔥油海蜇頭
$168
44 views
0 likes
0 comments
我哋本身想叫蟹粉小籠包，不過佢哋剩係有正常小籠包。入面好多汁，要小心夾，穿咗就嘥晒啲精華啦。
南翔小籠包（8件）
$148
51 views
0 likes
0 comments
每次食上海菜都會叫雞絲粉皮，呢度啲份量比較少，但係勝在麻醬好滑，唔會食到「䊢」住個口。
雞絲粉皮
$108
52 views
0 likes
0 comments
輪到我嘅至愛鍋貼，都算唔錯，肉嫩多汁，😋不過我個人比較喜歡個皮煎香啲。而且四隻鍋貼未計加一都要$117，如果唔係我哋有會員優惠，我覺得唔抵食。😊
鮮肉煎鍋貼（四件）
$117
58 views
0 likes
0 comments
今日呢碟炒膳糊味道好好，特別係如果你鍾意葱蒜，但係個小朋友剩係食咗少少，好似唔係好識欣賞。🤣
金銀炒鱔糊
$208
79 views
0 likes
0 comments
砂鍋菜膽餛飩雞（半隻）係今餐嘅主角，我哋鍾意有肉、有菜、有餛飩又有湯。菜唔會太腍，啱啱好，雞肉滑而且仲好有味，完全唔似平時啲湯渣咁樣，餛飩就皮滑餡靚，啲湯雖然肥咗啲但係真心好味。重點：都幾大煲㗎！😋😋😋👍🏼👍🏼
砂鍋菜膽餛飩雞
$268
59 views
0 likes
0 comments
最後當然唔少得甜品啦😊，經典香蕉高力豆沙但係面頭唔係白糖霜而係黃糖，夠特別。👍🏼另外兩個贈送嘅甜品就真係一般，紫色嗰個顏色有啲嚇人，好彩味道都算OK。
香蕉高力豆沙
$83
76 views
1 likes
0 comments
今餐整體都算唔錯，主食砂鍋菜膽餛飩雞最突出，如果唔怕蒜味重，金銀炒鱔糊值得試。小食嘅滬醬鴨舌、油爆鮮蝦同鎮江餚肉都值得推介。
晚飯嗰日有暴雨警告，餐廳職員話好多人取消咗訂位，所以嗰晚真係比較清靜。裝修方面都係中國風，就連枱上面個𨍭盤都係。呢間都算係坐得舒服而嘢食都幾OK，人均差唔多三百，認真唔平算，係高級上海菜餐廳。😊
Post
