Sugardolls

Open Now

Now Closed

放lucnh諗住同女友去hardrock舒服坐下食西餐，上到去見到對面有間韓國野都幾多人，一於轉下口味。入到去見到有位女人應該係老板講韓文同班客人有講有笑，心諗應該都正宗掛，(因為而家好多韓國餐廳都係偽韓式)同女友叫左一個牛肉什錦碗飯同一份炸雞。先講下個飯，老細叫我地撈勻先食，第一啖食落口已經覺得同出面既韓國撈飯唔同，個汁好香好好食，唔係得個辣字，d牛肉一d都唔un, 個味醃得唔錯，另外d蔬菜都好新鮮，岩晒女友要食得健康d.炸雞方面，一份有7件，大大件，有d部位唔算多肉，但好脆好juicy, 同老細傾傾下原來係用新鮮雞，食落真係唔同d ,同連鎖店果d真係差好遠順便講下佢地d餐包泡菜野飲， 泡菜係老細自已醃，唔會太咸太酸，食完仲問佢地拎多小小，野飲就要左杯青檸梳打水同紅「早」蜜，仲加左粒青檸，食完炸雞飲一流，感覺好refresh. 下次係屋企可以試下自已溝。