The Balcony (Closed)

今晚同太太去試中環樓上西餐廳。 餐廳大約有十張枱，有少少 cafe feel。叫左兩位 Set dinner $588頭盤沙律有鴨胸的燻香，中間加上有蜜桃的甜美，配以黑醋 dressing，非常清爽醒胃，唔錯！龍蝦湯味道濃香，口感幼滑 creamy。 雖然份量唔多但係味道一流。法式田螺配黑松露及曰式芥末茨茸。賣相十分別緻， 但味道略嫌普通， 一般田螺水準。煎北海道帶子配波蘭汁。北海道帶子大大粒，味道鮮美， 配搭唔錯。澳洲肉眼牛扒14安士兩位用。肉眼牛扒份量十足 medium 煎到表面焦香， 配上海鹽，肉質鮮嫩，肉味濃郁。 二人份量啱啱好！甜品拼盤，有薑汁雪糕、朱古力旦糕和草莓。 第一次食薑汁雪糕，口味都幾獨特，薑味強勁但同時又有牛奶香， 幾特別。朱古力旦糕朱古力味極濃，口感鬆化。總括覺得呢間樓上餐廳水準都唔錯，其實細細間舖有時仲坐得舒適，值得試下！