翠華餐廳 (Closed)

今日黎左依到首先係就當然要食咁多次都要食既冰鎮芥蘭,佢有配依個wasabi豉油,HAHA因為依個真係非常好食,呢碟菜既上菜速度真係快到嚇死人,叫完野食唔夠幾分鐘就黎到,睇黎係整定既,不過都真係好食,所以唔緊要,當然食芥蘭依D要睇個日靚唔靚,今日依個就好好,個莖夠晒爽口,而且幾粗但唔會太多，最緊要食起上黎唔會太硬，好正好滿足！ 之後當然要食佢個招牌菜咖哩羊仔扒,佢依個咖哩比較香但唔會太辣，雖然無咩香草味，但食落都唔錯,味道係比較甜個種,好岩用黎食飯,咁樣真係一流！羊仔扒個肉質就幾鮮嫩，無咩羶味，口感都算不錯。不過如果兩個夾埋唔算太夾,反而分開可能會仲好,之後當然要飲佢個奶茶，不過價錢真係唔平嫁,佢杯奶茶都算做得好好,起碼飲完唔會有陣苦既茶葉味，而且都幾滑下這杯算,都算值得嫁。