叉燒大王

Open Now

Now Closed

星期五嚟到沙田叉燒大王食晚餐，七點呢個晚飯時間好多人，好好彩我哋可以坐到二人桌。先來一壺鐵觀音。我地點左以下嘅餸菜：食碟例牌叉燒先，未入間店之前已經聞到好香嘅燒味味道，話晒個名都叫叉燒大王，我哋第一次嚟到就試吓佢嘅叉燒先啦！半肥瘦叉燒好入味，外層有Lim口嘅蜜味，配合埋豉油，送飯一流！店員介紹最近通菜好味，我哋就點左依個山啫通菜。內有啲豬油渣，加埋蝦醬，上枱嘅時候因為個煲仔熱，裏面啲汁仲喺度bobobo咁滾緊，非常之香！最後我哋叫咗依個蒸豆腐，豆腐好滑，加埋上邊有少少嘅鹹蛋黃拼蝦膠，連埋蔥花，上邊再”贊”少少滾油豉油，清得來都幾香幾鮮。我哋兩個人食呢三個餸菜再加一碗飯share，非常滿足！ 店舖分為堂食區同埋外賣區，我哋都差唔多八點嘅時候走都見到外賣個邊都仲有好多人等緊買野。母親節都可以考慮嚟呢度食飯，餸菜都啱長輩食。我見菜牌仲有其他款式嘅海鮮，下次試一試先。