666泰船麵 (仁愛街) (Closed)

今日突然間俾人派嚟新蒲崗附近做嘢，人生路不熟真係唔知有咩好食，本身諗住食呢一間嘢隔離嘅鍋貼大王，但朋友今日唔係好想食油膩野，所以就揀咗嚟呢一間度食好老實講，呢一間嘢喺出邊睇平平無奇，但原來呢邊都幾多人食緊雖然呢一間野主打係船麵，我今日唔係好想食麵，所以我嗌左一個海南雞飯再配一杯凍檸茶。海南雞飯佢嘅雞係幾滑，同埋去咗骨嘅，我覺得幾好食再配合埋佢嘅泰式醬，正到爆炸！至於佢嘅凍檸茶，我飲落茶底好似同普通嘅茶餐廳嘅茶好唔同，再望一望個Menu先發現原來佢係標榜泰式茶底，真係好有心思呀！