金香泰菜

Open Now

Now Closed

之前呢間金香係食泰菜，今日嚟到見到招牌變咗淨返海南雞，又引起本喵興趣！海南雞套餐：星洲海南雞飯 $65改脾加$8， 改湯粉加$8送老火湯（送完即止）熱飲加$7，凍飲加$9既然招牌主打海南雞，我就叫海南雞飯改埋脾，去盡佢。先講下個老火湯，紅蘿蔔佛手瓜好鮮甜足料，唔似溝水亦冇味精feel。海南雞飯賣相工整得幾可愛，隻脾好滑好鮮嫰，冇煮到老晒，亦唔覺有雪味，加分。油飯好香，配埋薑蓉同海南雞嘅酸辣汁，好開胃，辣汁好微辣，冇問題。唯獨是俾多幾片菜會更好，暫時只有墊底幾片。