噹噹冰室

Open Now

Now Closed

舖頭位置唔算多，撞正附近學校午飯時間就唔洗諗有得坐。舖頭食飯選擇唔多 ，但貴精不貴多，叫左海南雞飯配油飯同凍咖啡。 海南雞飯上面有沙律菜同薑蔥油，老闆娘仲會問要唔要配埋甜醬油，非常貼心！沙律菜上面有落少少芝麻醬，酸甜開胃幾啖就食晒；海南雞略嫌有少少肥，不停口咬走肥膏都有啲攰，配上薑蔥油同甜豉油食落好惹味，一啖雞一啖油飯好快就食晒；咖啡飲得出係用某大牌咖啡粉沖出黎，所以冇乜驚喜。 整體環境舒服，係會翻桌既街坊飯堂，老闆娘得閒仲會同你傾偈，人情味十足。