Catio

Open Now

Now Closed

係銅鑼灣行行下街餓想搵野食，咁岩見到間大廈有貓café廣告，咪即管入去試下囉。Café有入場費第一個鐘78元，包一杯飲品，嗌野食第二個鐘免入場費，又可以和貓玩下，價錢都OK啦。 間餐廳感覺好乾淨，進門都要著鞋套或者除鞋，有其他枱D小朋友玩到瞓哂地。放眼望去有十幾隻貓，睇見佢地活躍周圍跑真係人都開心哂。 點了一客雞翼薯條加凍檸茶，呢度居然仲有...雞蛋仔！如果可以有多幾款cake就更加好喇﹗不過個雞蛋仔都整得唔錯，雖然唔同街邊檔，但放入口仲脆脆地，好有童年回憶。朋友話好餓叫左份意粉，份量都好足，差D食唔哂。食飽仲可以同貓貓自拍同玩，大滿足。