美國餐廳 (Closed)

今日在第一城附近搵間餐廳食午餐，見到呢間美國餐廳門口擺咗好多餐牌，覺得好吸引所以入去食。叔叔安排左一張半圓形卡位俾我哋，我覺得坐得好舒服，我叫咗個西冷牛扒意粉午餐，我覺得一個咁嘅價錢有餐湯、餐包又有杯嘢飲算係咁啦。結果晚上再幫襯買外賣，之前打個電話去落單，一去到就有，唔使等。外賣都好齊全，冇比漏嘢，麵包都俾埋牛油，好貼心。回家之後諗住寫食評，見到OpenRice上面都不少惡劣嘅評價，我都唔明白點解。有時要明白，你比緊啲乜嘢價錢，比幾十蚊套餐，然後想有去高級餐廳嘅招呼，咁實在係太可笑。