Video
Read full review
2023-10-23
920 views
淥鼎記 地址: 觀塘觀塘道414號1亞太中心8樓 #yauyau_觀塘 推薦指數：7.5/10 今次一年半週年紀念帶左女朋友去觀塘一間火鍋放題，一次過滿足女朋友打邊爐同食酸菜魚嘅願望。間嘢都幾抵食，唔會因為多左款式餸菜就俾啲差嘢，價錢同食物對比我食過一間喺佐敦又係食酸菜魚加邊爐放題叫倫X私房菜嘅好太多。 爵爺套餐無限時火鍋放題 $378/ppl （另收加一） 錦繡前菜（一次性） 都係啲基本小食，不過有誠意，有泰式鳳爪同牛肚絲啲高成本啲嘅嘢食。 日本直送時令刺身（一次性） 呢個有帶子、三文魚、大甜蝦、唔知咩貝類刺身同鮑魚，全部都好新鮮， 拍得住啲連鎖壽司店。 主菜 （六選一）（一次性） 我哋揀左酸菜魚，個麻香整得好好，有十二X嗰個feel，啲魚就冇麻辣風X嗰啲咁靚架啦，但都係中上貨式。仲有好欣賞佢冇特登放好多平嘅配菜落去借啲意塞飽你個肚，每樣嘢個份量係好reasonable，你食哂咁多樣嘢都唔會好飽，係好舒服咁食到最尾。 無限時火鍋放題 -包頂級手切牛x1 & 豪華海鮮拼盤x1（一次性） 湯底揀左莞茜嗰個，去到呢個位食埋佢送嗰兩碟靚嘅牛同海鮮，再食啲菜都飽架啦，成個用餐係好舒服。其他普
地址: 觀塘觀塘道414號1亞太中心8樓
#yauyau_觀塘 推薦指數：7.5/10
今次一年半週年紀念帶左女朋友去觀塘一間火鍋放題，一次過滿足女朋友打邊爐同食酸菜魚嘅願望。間嘢都幾抵食，唔會因為多左款式餸菜就俾啲差嘢，價錢同食物對比我食過一間喺佐敦又係食酸菜魚加邊爐放題叫倫X私房菜嘅好太多。
爵爺套餐無限時火鍋放題 $378/ppl （另收加一）
錦繡前菜（一次性）
都係啲基本小食，不過有誠意，有泰式鳳爪同牛肚絲啲高成本啲嘅嘢食。
日本直送時令刺身（一次性）
呢個有帶子、三文魚、大甜蝦、唔知咩貝類刺身同鮑魚，全部都好新鮮， 拍得住啲連鎖壽司店。
主菜 （六選一）（一次性）
我哋揀左酸菜魚，個麻香整得好好，有十二X嗰個feel，啲魚就冇麻辣風X嗰啲咁靚架啦，但都係中上貨式。仲有好欣賞佢冇特登放好多平嘅配菜落去借啲意塞飽你個肚，每樣嘢個份量係好reasonable，你食哂咁多樣嘢都唔會好飽，係好舒服咁食到最尾。
無限時火鍋放題 -包頂級手切牛x1 & 豪華海鮮拼盤x1（一次性）
湯底揀左莞茜嗰個，去到呢個位食埋佢送嗰兩碟靚嘅牛同海鮮，再食啲菜都飽架啦，成個用餐係好舒服。其他普通牛同火鍋配料係任叫，有出前一丁同女朋友最鍾意嘅魚皮餃。啲餃類好多款，食得女朋友好開心。
最尾有haagen dazs 雪糕，補充翻佢啲嘢飲都係任拎。
味道: 4/5
服務: 4/5
環境: 4/5
番兜: 4.5/5
#觀塘美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #觀塘打邊爐 #放題 #打邊爐 #淥鼎記
Post
