Burger Joys (君悅居)

Open Now

Now Closed

契妹午後準備去太古廣場睇戲，午飯時間話想食漢堡，所以就捉咗XO仔去駱克道一家漢堡專門店「Burger Joys」度食快餐。由於今日飯前飯後公司都有會要開，契妹就預先將餐牌傳咗過黎，幫我叫定食物 。原來餐店離細佬公司都幾遠吓，小肥以急速步伐行過去都要成十分鐘 ，到達時食物亦已準備好。Crispy Garlic Wings（$48/六隻）：個人唔多食漢堡，亦慣性於快餐店內揀食雞翼。炸雞翼少辣得黎好夠蒜香，可能食店客路以外國人為主，雞翼加咗啲泰式甜酸醬作調味，惹味非常。Black Truffle Fries（$58）：XO仔乃黑松露迷一名，每每見到有黑松露薯條食對眼都會閃 。薯條屬個人最愛o既幼條，炸得好夠乾身同脆口，不過可能雞翼o既味道實在濃烈，輪到食薯條時啲松露香就唔係咁突出。兩口子離開前，哥哥仔不忘重點推介，叫我地下午茶時間有空記得要返轉頭，因為佢地四點至八點會免費派發一百個全新推出o既和牛漢堡，極之落力 ！