鯛魚魚湯專門店 (Closed)

好開心又黎鰂魚涌食飯，最後都係encore番呢間餐廳。今次無叫到鯛魚片魚湯烏冬，見佢menu咁多選擇，最後拍板左兩款牛肉烏冬。無錯，鍾意食牛肉既我，好好奇呢間餐廳既牛肉質素如何。安格斯牛肉蕃茄鯛魚湯烏冬蕃茄湯底濃郁，混合魚湯，入口更為香滑。安格斯牛薄度合適，香牛味。蒜片牛粒魚湯烏冬牛粒重牛味，不過肉質比較實，如果淋啲會更好。我個人比較喜歡安格斯牛肉。另外加錢加多兩隻廣島蠔試下，可惜蠔味唔濃，鮮味亦唔出。下次會再試其他。