大勝軒丸一 (金星閣) (Closed)

呢排疫情影響，差唔多無餐廳要等位咁制，連呢d平時排到傻左嘅名店都唔例外。今日黎到呢間大勝軒丸一，平日出面一定打晒蛇餅，點知今日行到門口人都無，原本都無諗住食呢間求祈買外賣就算，既然緣份來到，一定行入去啦。今日食佢特製沾麵set，麵底係平日沾麵會用嘅粗麵低，湯底就唔駛講啦，係正宗嘅魚介湯，唔係某d古靈精怪嘅沾麵屋亂溝嘅湯底。食完麵，有湯剩，可以加入清湯，傳統日式做法，佢仲好貼心幫我加到佢覺得適合嘅濃度，飲落唔會太淡太鹹。