Video
Read full review
2019-03-15
3220 views
一早打去book，但係冇人聽，所以我自行上網book（因為book即日下午驚冇位），預左佢會打返俾我confirm，點知又冇喎，安全起見隔多陣再親自打去，終於有人聽，話收到網上booking，可以如期去食。平時我食開buffet都係九龍區，因我係九龍人嘛。要過海真係要諗一諗，但係覺得九龍區嘅buffet好多人，次次都要排隊去拎海鮮，所以今次轉去香港區食，仲要去到炮台山。我地去已經12:45pm，唔太多人，心中暗喜。入座後即刻去拎我地最愛嘅生蠔（因為有lunch有生蠔所以想黎食），嘩，好正，冇乜人排隊拎，仲要即開嘅，一人可拎３隻，雖然細細隻，入口都幾鮮味，但唔多夠蠔味，唯多食多ｄ補數囉。凍區有長腳蟹，都幾有肉地，新鮮嘅。有蝦同翡翠螺熱食有燒牛肉，雞翼，蟹鉗，天婦羅，咖哩，弻，粉麵，燒味。壽司刺身就唔算多弻出奇幾好食雪糕係ｍovenpick，好正。甜品麻麻。飲品就係自己去斟，有蘋果汁，檸檬茶，同咖啡/牛奶機。因為我有staff offer, 所以我有65折，２個人$530左右。其實lunch預左唔多野食嫁啦，但因為我地target係生蠔同長腳蟹，所以我地已經好滿足，最緊要係唔駛點排隊，又唔
平時我食開buffet都係九龍區，因我係九龍人嘛。要過海真係要諗一諗，但係覺得九龍區嘅buffet好多人，次次都要排隊去拎海鮮，所以今次轉去香港區食，仲要去到炮台山。
我地去已經12:45pm，唔太多人，心中暗喜。入座後即刻去拎我地最愛嘅生蠔（因為有lunch有生蠔所以想黎食），嘩，好正，冇乜人排隊拎，仲要即開嘅，一人可拎３隻，雖然細細隻，入口都幾鮮味，但唔多夠蠔味，唯多食多ｄ補數囉。
凍區有長腳蟹，都幾有肉地，新鮮嘅。有蝦同翡翠螺
熱食有燒牛肉，雞翼，蟹鉗，天婦羅，咖哩，弻，粉麵，燒味。
壽司刺身就唔算多
弻出奇幾好食
雪糕係ｍovenpick，好正。甜品麻麻。
飲品就係自己去斟，有蘋果汁，檸檬茶，同咖啡/牛奶機。
因為我有staff offer, 所以我有65折，２個人$530左右。
其實lunch預左唔多野食嫁啦，但因為我地target係生蠔同長腳蟹，所以我地已經好滿足，最緊要係唔駛點排隊，又唔多人唔會嘈，環境又唔差，所以好推薦，我下次都會再黎食過。
Post
