麗嘉酒店咖啡閣 (Closed)

正月未過已經有project要埋尾，晨咁早已經要同客開會，之前亦要同佢地做briefing七點半已經約左在呢度食早餐。原以為咁早會無咩人，但竟然都有唔少西裝友在食野，唔知係唔係中環酒店早餐的特色。六星級酒店的大堂咖啡座當然唔失禮，樓底夠高，陽光透過落地大玻璃窗射入幾舒服。同文華果邊比較，呢度會係casual D，而果邊就較為傳統。開放式廚房，可以一次過見晒有什麼早餐供應，想食果樣就叫果樣。驟眼睇，個餐牌同文華的是有D相似，都係幾款英式/歐陸/美式/中式早餐，加幾個a la carte如蛋類、窩夫及穀物早餐等。叫左標準的Poach Eggs Benedict，同文華一樣，都是波蛋、?肉同英式鬆餅，份量不少，波蛋不會過熟，?肉亦不會炸到似薯條，鬆餅熱辣辣，配上荷蘭汁味道都唔錯；鬼佬的早餐是奄列，整得賣相都幾好，我諗味道都唔會差；另一鬼佬叫了蝦餃、燒賣、叉燒包再加中國茶，看樣子都OK，但我們要吃點心當然不會在酒店lobby，這裡有麗嘉軒，點心必不會差得去邊。另外還叫了一杯espresso，幾香濃，兼醒神。侍應服務當然有六星酒店水準，連大廚的對答及招呼都一樣掂。埋單連貼士五百蚊，當然呢個數以早