Spark Bar & Restaurant (Closed)

環境4分：高級餐廳格局，傍晚嘅時候利用透光玻璃令到室內環境幾光猛，但入夜嘅時候就會比較暗，非常之有情調嘅設計，可以畀四分。而且一邊係live music嘅舞台，非常澎湃，唔知道如果播快歌嘅時候，可唔可以去台中間跳下舞?衛生4分：地方都叫整齊，但室內油煙味太多，要扣一分，畀四分。服務4分：服務生反應迅速，尤其見你食完之後就會非常主動收碟，令到枱面有更多空位，所以畀四分。 味道4分：1)      免費餐前麵包都幾鬆軟，點Ｄ橄欖油仲好食Ｄ！2)      慢煮黑毛豬呢就好似靚叉燒咁爽甜多汁。3)      生啤冇得輸。抵食4分：中環出名租貴，西餐廳有live music，價錢係咁上下，可以畀四分。