谷芋 (Closed)

我係一個芋頭控，最歡喜就係飲芋頭鮮奶，聞說紅磡開左間芋頭飲品專門店⋯⋯我又點會錯過🤡自從黃埔有地鐵之後，就真係再冇交通煩惱，只要落車後往B出口，一出直行食街就到，好方便！去到睇左menu , 叫左一杯芋霸布能同芒果燦爛豆花，即叫即整，夠新鮮！ 等左幾分鐘就有得飲，店員都好細心，提我地要搞匀就最好飲⋯⋯一飲，老實，好足料，啖啖芋泥，真材實料，而且明顯冇過份加甜或其他調味料，抵讚！ 而芒果豆花一飲就知有用到新鮮芒果去製作，好香，唔係假芒果味，配豆花口感一流！雖然鋪頭細細，但都有做到裝飾同有一張長櫈比客人坐低飲，咁啱遇著老闆，大家都傾左陣交流下，先知道每日都會用新鮮芋頭蒸熟再磨溶呢d功夫真係好難，小d心機都做唔到！希望下次有機會再去試下唔同口味既飲品啦