十二味 (LADDER Dundas) (Closed)

已經有一排冇食十二味，今日突如其來早左收工，周圍行下見到係油麻地呢間十二味，一於食食佢。平時都係食開十二味分店既酸菜魚，今次諗叫個水煮魚食下，可以自由選擇小辣多麻。好搞笑既係酸菜魚加薯粉要加$26，水煮魚入面本身就有薯粉，唔洗額外加錢，但酸菜魚同水煮魚既價錢係一樣，唔係好明佢個邏輯。今次水煮魚啲魚有一陣腥味，冇左以前食開既鮮味，失左水準，覺得好失望。芽菜就非常多，薯粉無乜特別，但好多都係痴埋一舊。