黃記煌三汁燜鍋 (Closed)

新年約左三五知己一聚，見到食評咁多讚好，就訂左黃記煌試下另類打邊爐。食肆係要行上一樓，可能呢幾日新年假期冇人清潔，地下周圍都係垃圾，好噁心🤮至於食肆𥚃面算係企理。我叫另類其實係因為叫左個燜鍋先，食完啲餸可以加湯繼續打邊爐。我地揀自選燜鍋，有廣島蠔丶白蝦丶牛肚同牛柳粒。店員幫你舖好食物，煮一陣之後加海鮮醬。鍋底放了紅蘿蔔丶蒜頭、青紅椒丶洋蔥和紅棗等等。牛肚之前已經煮好只係加熱同牛柳粒味道勉強ok。至於𧐢呢就丁C咁die粒，一人得一粒，蝦就有啲霉，至於個汁就冇comment！呢個鍋$300冇咩野落肚，一路食一路想喊。打邊爐叫左安格斯肥牛、牛柏葉丶唐生菜丶娃娃菜丶粟米丶韮菜餃同雲吞雙拼丶墨魚滑。唉！肥牛一陣雪味，墨魚滑冇味丶雲吞唔新鮮。只係得菜丶韮菜餃同牛柏葉叫做正常。依然想喊囉。由於有許留山坐陣都諗住冇C錯人，我地叫左芒椰蘆薈爽丶班戟同冇心機影落去嘅多芒小丸子。飲品絕對冇問題，一如許留山味道。但個班㦸塊皮好韌，而小丸子就硬過石頭咁，就快喊出泥。網上訂位有九折，每人盛惠$230。老老實實，我地寧願去大xx食一人火鍋好過，絕對冇下次