Video
Read full review
2006-02-02
11 views
早個星期日晚, 我同個朋友去今村食晚飯, 同佢慶祝生日. 雖然當日的上菜時間, 真係比較長, 但係當晚既食物真係唔錯, 到最後埋單果時, 仲發覺係賺左!!當晚我地八點去到,由於一早己book了位, 所以一入去便可以坐. 當晚所見, 有一大檯日本客人, 其他都是香港人.坐低後, 一望個menu, 發覺唔係太多野食, 又望一望其他人食既鍋呀, 小食, 全部都冇, 於是就問果度既waitress, 點知佢地好似唔可以同人講野咁, 一問就口震震亂咁答. 後來有個只係識日文同英文既女性部長走過來, 我地就問佢係唔係有另一個menu可以叫.. 佢比左一個全日文的壽司, 魚生同小食menu, 仲有一個火鍋menu, 但係一人前已經要三百幾.. 仲要係一叫就兩位上...... 於是我地就叫左白鱈精子, 中拖羅魚生(五片), 兩隻牡丹蝦, 同埋一個普通魚生飯.我地當晚其實係一心想試白鱈精子, 因為之前我同呢個朋友一齊同東京都食過一次, 真係回味無窮. 結果呢個白鱈精子好快就送到, 絕對係好正啦, 不過再凍一些就好正啦, 但只係得三粒, 所以最後一粒, 我地要每人分開一半, 咁岩果個男性部長(香
當晚我地八點去到,由於一早己book了位, 所以一入去便可以坐. 當晚所見, 有一大檯日本客人, 其他都是香港人.
坐低後, 一望個menu, 發覺唔係太多野食, 又望一望其他人食既鍋呀, 小食, 全部都冇, 於是就問果度既waitress, 點知佢地好似唔可以同人講野咁, 一問就口震震亂咁答. 後來有個只係識日文同英文既女性部長走過來, 我地就問佢係唔係有另一個menu可以叫.. 佢比左一個全日文的壽司, 魚生同小食menu, 仲有一個火鍋menu, 但係一人前已經要三百幾.. 仲要係一叫就兩位上...... 於是我地就叫左白鱈精子, 中拖羅魚生(五片), 兩隻牡丹蝦, 同埋一個普通魚生飯.
我地當晚其實係一心想試白鱈精子, 因為之前我同呢個朋友一齊同東京都食過一次, 真係回味無窮. 結果呢個白鱈精子好快就送到, 絕對係好正啦, 不過再凍一些就好正啦, 但只係得三粒, 所以最後一粒, 我地要每人分開一半, 咁岩果個男性部長(香港人)見到, 話幫我地剪開佢. 後來佢話師傳見我地咁鐘意食, 又唔想剪爛粒白鱈精子, 流晒中間既汁出來, 所以送多左一粒比我地食.
其中有個識講廣東話既waitress問我地個牡丹蝦頭係唔係想炸左佢, 咁我地當然ok啦....
後來我地就坐左半個鐘有多, 都冇野食. 但係隔鄰果檯日本客既卷物, 小食就不斷送上... 正想問之際, 男部長就送上中拖羅壽司.... 唔係我地想要既魚生... 於是我地同落單果個日文女部長講, 佢就再落過單. 後來佢先送上牡丹蝦頭, 之後佢有牡丹蝦魚生, 咁我地就知佢地應該係落錯左單, 所以炸多左個蝦頭比我地.不過牡丹蝦又真係好甜, 魚又彈牙同新鮮. 當然可以享用兩個蝦頭, 一個係生, 一個係炸, 可以話係一樂也, 不過個心都好驚佢會收多d錢.
後來個男部長手震震拿左一碟拖羅過來, 話今日既中拖羅買晒, 所以比左大拖羅我地, 問我地介唔介意, 其實價錢係350同500之比, 不過佢都切左囉, 咪要囉.
個大拖羅食落就好油潤, 一口就可以滑入喉嚨, 不過就多d筋囉... 如果少d筋, 就真係perfect啦!!
當然既驚喜原來係魚生飯, 有好多魚子, 仲有油甘魚, 劍紅魚, 帶子.... 好好食, 好大份.... 早知叫兩個魚生飯, 唔食toro啦!
我地埋單時已經係9:30啦, 男部長把賬單送來時說, 師傳話今晚要我地等咁耐, 又落錯單, 感到不好意思, 所以個大toro只係叫我地中toro既價錢, 果一刻真係好開心, 覺得賺左! 再望下張單, 發覺佢竟然冇計到$100既白鱈精子, 當時我同朋友都冇出聲, 只係簽左卡就算啦, 我諗其實佢係專登冇計的..... 仲叫我地下次來食lunch.....結果連加一,tips$820埋單囉.
總結就係, 我地食左今村既好野, 但平了250蚊囉!! 下次都要去試下個lunch先, 不過部長叫我地一定要訂位囉.
Post