Video
Read full review
2023-06-19
5 views
今日約咗個friend聚餐，朋友提議尖沙咀喜聚燒，推介呢度燒物質素好，尤其佢至愛嘅海鮮類，新鮮又唔貴。除咗燒物種類多，佢嘅特式招牌菜都係一絕，聽佢咁講唔去都覺得走寶。🤣去到餐廳發現地方幾大，座位闊落空間感十足，有一部份枱向住落地玻璃，可以望靚景，可惜我哋冇預先訂枱，只好坐梳化凳，都好舒服自在😊。睇個餐牌，食物種類真係勁多多，起碼有80款，我哋叫咗2款招牌菜同幾款燒物。招牌菜上枱時，碟下有一個木架，木架裏面有個小蠟燭，店員會點著小蠟燭，用嚟保持碟裏食物嘅溫度，呢點十分讚👍🏻。💰$198 鑊仔麻辣雞半隻 雞份量十足，肉質軟滑非常入味，配上大量乾蔥、洋蔥、蔥丶花椒及辣椒等一齊炒，味道麻辣香口非常惹味。💰$138 惹味麻辣大腸 大腸質感軟腍，無太多肥膏，感覺健康啲。同樣配上大量乾蔥、洋蔥、蔥及辣椒等一齊炒，味道香濃勁惹味。💰$78/隻 燒珍寶大扇貝大扇貝新鮮肥厚肉，燒得啱啱好，肉質軟嫩多汁，配埋蒜蓉粉絲一齊食，冇得輸。💰$68/隻 燒貴妃蚌貴妃蚌 size 大，肉身厚而且飽滿，味道鮮甜肉質爽彈，加上蒜蓉，味道更香更惹味。💰$68/串 燒新鮮脆皮白鱔白鱔肉厚有彈性：食就知係新鮮貨色，表面塗
鮮類，新鮮又唔貴。除咗燒物種類多，佢嘅特式招牌菜都係一絕，聽佢咁講唔去都覺得走寶。🤣
去到餐廳發現地方幾大，座位闊落空間感十足，有一部份枱向住落地玻璃，可以望靚景，可惜我哋冇預先訂枱，只好坐梳化凳，都好舒服自在😊。
睇個餐牌，食物種類真係勁多多，起碼有80款，我哋叫咗2款招牌菜同幾款燒物。
招牌菜上枱時，碟下有一個木架，木架裏面有個小蠟燭，店員會點著小蠟燭，用嚟保持碟裏食物嘅溫度，呢點十分讚👍🏻。
💰$198 鑊仔麻辣雞半隻
雞份量十足，肉質軟滑非常入味，配上大量乾蔥、洋蔥、蔥丶花椒及辣椒等一齊炒，味
道麻辣香口非常惹味。
💰$138 惹味麻辣大腸
大腸質感軟腍，無太多肥膏，感覺健康啲。同樣配上大量乾蔥、洋蔥、蔥及辣椒等一齊炒，味道香濃勁惹味。
💰$78/隻 燒珍寶大扇貝
大扇貝新鮮肥厚肉，燒得啱啱好，肉質軟嫩多汁，配埋蒜蓉粉絲一齊食，冇得輸。
💰$68/隻 燒貴妃蚌
貴妃蚌 size 大，肉身厚而且飽滿，味道鮮甜肉質爽彈，加上蒜蓉，味道更香更惹味。
💰$68/串 燒新鮮脆皮白鱔
白鱔肉厚有彈性：食就知係新鮮貨色，表面塗自家調味醬，令整體味道更香但不失本身嘅魚味。
💰$78/3隻 芝士燒廣島生蠔🦪
生蠔size比想像中大隻，肉身飽滿，一口咬下勁多汁，鮮味及蠔味充滿整個口腔，正。
💰$59 霜降和牛串
表面燒得乾身香口，肉質軟腍濕潤，牛味香油脂味更香。
💰$48 燒牛肩胛
表面燒得乾身，有嚼勁嘅質感，更覺牛味香濃。
💰$40 燒牛舌
厚身牛舌燒得乾身香口，肉質軟腍無筋，牛味十足。
💰$22 燒麵筋
麵筋表面塗上沙嗲酱，燒得非常香口，內層濕潤軟腍，雙重口感。
💰$38/杯 菠蘿梳打及青檸梳打
兩杯梳打都味道清新，有氣又凍冰冰嘅飲料，消熱解膩一流
Post
