Le Viet

Open Now

Now Closed

咁岩朋友生日，而佢又中意越南菜，咁就試試呢間新派越南餐廳。入得THE ONE 既餐廳，係裝修上都有點心思。先係一個開放廚房，食客對廚房整潔一覽無遺。而食野地方，更係用心佈置，絕不馬虎。新派餐廳自然有新派餐廳既氣氛，起碼我坐係餐廳入面，都有一種好舒服既感覺先。而我地食第一度菜係＂牙快車＂，聽個名就唔知係咩，但其實係沙律，加少少甜酸醬，超級醒胃。係食指大動的情況下，再來小食拼盤，其中春卷外脆，更重要既係完全不濟，不過減緊肥既朋友都係少嚼就算囉！之後來既香茅燒牛仔骨，絕對係本人誠意推介。食牛最驚韌，但呢碟就完全冇呢個問題，而佢既汁更係野味非常，真係會食上癒！！到最後就來左個大蝦菠羅飯，即係菠羅炒飯上加兩隻大蝦，個飯炒的幾香，最緊要足料，每啖飯都會足夠配菜，絕不厄秤。最後點少得甜品，原本就一心想食心太軟，但遺憾一早賣哂。最後，我地簡左最簡單既焦糖燉蛋。不過可能餐廳始於唔係主打甜品，只能用不過不失來形容。