椰粉湯紅 (Closed)

黑色星期五, 今日約左朋友係灣仔食飯, 對灣仔唔熟識嘅我, 唯有邊行邊睇有咩野食.經過呢間"椰粉湯紅", 比佢地個"竹絲雞海南椰香飯"吸引左,  竹絲雞湯就飲得多, 今次試下食佢先, 撞啱BLACK FRIDAY, 食返個BLACK CHICKEN RICE. 餐廳主打粉紅色, 由門口到餐廳裝修, 咭片都係粉紅, 有住家FEEL, 仲有靚湯飲。睇下餐牌有咩食先, 好明顯主打椰子, 樣樣都有個椰字,, 除左椰子, 佢地主打燉湯, 有多款選擇, 當然湯都同椰子有關.我地叫咗2個套餐, 有跟飲品和湯.竹絲雞海南椰香飯, 賣相吸引, 第一次食黑雞, 有少少驚, 但係食落就好滑, 鍾意試新野嘅朋友可以試吓。糖脆炙燒豬頸肉蛋包飯 - 賣相吸引，豬頸肉爽口香脆，薄切，有啲似肉乾，但好juicy，蛋包飯加上椰漿，好配搭。套餐包湯或飲品，我地點左*羅漢果茶* 和*食療拿杯湯*（每天不同），足料，味道濃郁，鐘意飲湯必點。簡簡單單的晚餐，份量用料十足，坐得舒適，有家的感覺，燉湯火候十足，必飲。