泰園 (Closed)

吃泰菜通常首選九龍城，但間中流連港島區都會泰癮起，今晚正好就地解決。2個人唔係食得幾多野，泰園此類小店則剛剛好，主打小型Gathering，兩三個or三四個朋友食飯最啱。前菜點了「泰園海鮮冷盤」，生蝦，帶子，生蠔，三文魚。其實日式刺身配泰式醬汁比較少食，所以感覺都幾新鮮。有紅綠兩款泰式辣醬選擇，個人比較喜歡綠色，魚露又香又辣，令刺身更惹味。之後到炸物小食，蝦餅，魚餅，春卷。香口小食基本上人人都Like，特別係春卷餡料幾特別，有一串串粉絲狀食材，外脆內軟。蝦餅亦唔錯，唔會啖啖油。主食點咗燒海鮮拼盤。最最最欣賞係2隻大頭蝦，外面燒到脆卜卜，蝦頭香滑多膏，蝦肉亦很爽口。而且大大隻，非常抵食。其次係大蜆，好新鮮。唔需要特別調味，已經食得出海鮮鮮甜味，口感煙韌彈牙。魷魚夠大隻，啖啖肉！淨食海鮮好似唔夠飽，再點了「泰式青咖哩牛」。其實本人不太喜愛肉類，而且牛肉有點韌。咖哩內亦有大量豆角，如果一心諗住食肉嘅朋友，此菜色則稍為平凡，未如理想。最後不得不讚，是小店的飲品。簡單放在檯上的「香茅茶」真的非常好喝，非一般泰菜可提供，有點像去泰國做Spa後的Relax飲品，清香醒胃！另外再點的「椰青」和「人蔘羅