潮樓 (Closed)

飲下午茶，這裡真的不失為一個好選擇，因為地方又大又舒服，而且價錢又相宜，今日大概三點黎到仲唔駛等位添，又唔駛搭檯，佢即刻有位俾我地。兩個人飲茶，叫了:酥皮焗白奶皇餐包"佢上面個皮係好似菠蘿包咁，不過唔係好夠鬆化，淋左少少。而且佢個白奶皇餡過甜左少少，無咁甜會易入口D。老婆餅"係呢度食老婆餅好似好搞笑咁，但佢真係幾好食架我覺得，雖然知道佢係泰昌出品。佢個酥皮好薄，而且有多冬瓜蓉，甜甜地，我好鍾意食，見親佢我都會叫架。湯飯"唔記得左佢個名，不過我覺得清清地幾好，唔駛食D咁油膩既野。有冬瓜粒，蝦，雞肉等等，個味道好清，係份量少左D。這不是炸兩腸"呢個我地好鍾意食架，好多時都會叫。佢入面有好多唔同既料，例如油炸鬼，蝦，芹菜等等，所以咬落去口感好豐富，脆卜卜咁，好味。坐幾耐都唔會趕你走，坐低一路睇書，一路慢慢飲啖茶，真係舒服，間唔中黎下都幾好呀。