Tapas Brew (Closed)

同朋友出街玩，知道大角咀不嬲多特色餐廳，再次到此覓食，今次搵左雜誌推介的中價西班牙菜去試一入餐廳，格調別緻，氣氛好岩傾偈，酒意興起，就嗌左杯酒同小菜，同朋友把酒談心今次人少少就點左地中海式炸魷魚圈配檸檬蒜香蛋黃醬同西班牙辣蝦伴橄欖油意大利面餐廳服務好好，一入去招呼周到，即點即整，坐嘅地方同廚房近近地，未食已經聞到食物的香味地中海式炸魷魚圈新鮮炸好，上枱時食落香脆，入口一點都不糊，淋上檸檬汁同蒜香蛋黃醬，食落有檸檬清香，酸酸的有開胃之感，中和炸物重口味之感，加上蒜香蛋黃醬令魷魚圈更為滋味魷魚圈睇得出係用新鮮大隻魷魚，厚度十足，口感一定夠，送酒一流😋😋👍👍西班牙辣蝦伴橄欖油意大利面，個意大面係推介👍👍👍👍，睇落無任何醬汁，意大利干身，以為會干巴巴，無味可言，但結果係相反，意大利面先用蒜頭爆香，令到意粉香味十足，意粉食落仲吸收了蝦的鮮味同香味，即使無任何醬汁，都令意粉好滋味！蝦亦係採用大隻鮮蝦，彈牙之餘，味鮮又香，蝦肥到有膏😍～呢個菜係推介！👍👍👍👍