Green Orange

約咗朋友喺上環附近食lunch，就搵咗Green Orange試吓，一入到去環境好有情調，而且服務上安排咗張四人枱俾我哋兩個人，坐嘅空間好鬆動。我哋嗌咗兩個lunch set，個餐包咗黑松露蘑菇湯同沙律，個湯味道好濃郁，配埋兩塊蒜蓉包一齊飲個湯，非常不錯。一個餐我叫咗慢煮北海道帶子配芝士檸檬忌廉汁意大利飯，賣相十分精緻，個飯足足有四隻帶子，非常足料，而且個燴飯非常之有咬口，而且入味，好食！另一個餐我叫咗燒BBQ美國豬肋骨，仲配有薯條，個豬肋骨葉得非常入味，燒得非常嫩滑，完全唔會嚡同乾身。食完兩個餐仲配咗杯餐飲，份量充足，喺上環呢個價錢食到呢個質素非常滿意！