鍋 (Closed)

第一次嚟呢間餐廳食係同朋友一齊嚟，朋友本身喺深水埗食過幾次，但係都係第一次嚟大角咀分店試！我哋叫咗八爪魚五花腩芽菜鍋、炸雞、紅薯芝士條，士多啤梨同朱古力沙冰～個鍋好正，老闆娘好貼心會幫我哋剪埋八爪魚，仲幫我哋翻五花腩，芽菜撈埋啲醬汁都好好食！五花腩都烤得好香，八爪魚果咬咁多好好，好新鮮！勁Q彈！！個人唔係好鍾意食年糕，因為之前食過啲年糕都覺得好難食。朋友係咁叫我試吓呢度嘅年糕，一試之下先發現佢個咬勁好好，同埋中間完全唔粉！！係我少數可以接受嘅年糕之一👍👍👍個炸雞意外嘅肉汁好多，外皮酥脆，配住炸雞醬真係一流～好juicy，紅薯芝士條個味道都好好朱古力同士多啤梨沙冰個味都好出，濃郁，好鐘意😆食鍋，食到個人有少少熱，即刻可以涼返～同埋佢哋嘅泡菜好出面嘅真係好唔同，同我之前喺韓國食嘅味道好似！好新鮮好好食，一問之下先知原來老闆娘係韓國人，所有醬料、鍋同泡菜都係自己一手包辦、調製，respect🫡🫡總括而言，係絕對一間值得再次到訪嘅嘅韓式餐廳！！