十二味 (和富)

Open Now

Now Closed

男朋友最近話想食酸菜魚，但又冇得返大陸食，於是揾下香港邊到有得食啦，我揾到呢間十二味。我地係星期六黎食午餐，都幾多客人。午市有午市套餐，相對抵食好多。我地叫左酸菜魚套餐、田雞麻辣香鍋套餐，套餐包一碗白飯，仲有酸梅湯，但我地加錢要左無糖可樂同椰青水。另外仲叫左個川式口水雞。川式口水雞叫左小辣，都有辣既感覺，調味調得幾好食，雞肉嫩滑。酸菜魚叫左中辣，我都接受到，但要配野飲食。酸菜魚份量唔少，魚肉嫩滑入味，酸菜都幾多，仲有少量既菇。田雞麻辣香鍋唔見有得揀辣度，結果勁辣。佢既配料多過田雞，如薯仔片、黑木耳、豆芽、蓮藕，配料好辣。呢到簡直係啫辣者既飯堂。