添飲咖啡館 (Closed)

Weekend北區郊遊完，諗住揾間cafe食嘢傾下計。見某名youtuber介紹過哩間喺舊裁判法院，睇食物環境相好似幾特別，點知都幾失望。先講周圍環境，個舊裁判法院唔好以為係咩古蹟活化嘢好好打卡，都幾冇特別，作為市區人真係唔好為咗座嘢，山長水遠入嚟，唔值得。講返間cafe，座位唔迫係ok嘅，不過播哩期大熱流行曲，完全唔夾個場，唔夾所謂法院嘅氛圍。播歌好大聲，d客傾計自然要鬥大聲，個場嘈過茶樓！乜mood都冇。特別想講個松露薯條，見個youtuber話好好食，錯晒！我地嗰碟一落枱係凍嘅，我真係唔知佢炸左幾耐擺左幾耐先俾我地。All day breakfast個薯格極硬，食左一兩件直接放棄。嘢食嘢飲只屬一般，但價錢偏貴，性格比低，真係試過就算。