富士山 (Closed)

今日嚟到一間開業冇耐嘅日本餐廳，呢度嘅嘢食選擇好多，我哋揀咗二人套餐 $298 ，咩都食啲😜前菜三款 芥末八爪魚，好彈牙，口感唔錯，多重滋味。中華沙律同螺肉都唔錯，勁中意個螺肉，creamy! 德島縣玉子燒味道甜甜嘅，口感幾滑溜，厚底😆仲灑上蟹子，正！牛肉薯餅 香脆可口，裏面綿滑，好味道😛日式牛肉炒烏冬 我想講佢個牛肉真係好有牛味，每𡁻一下都感受到果種鮮甜濃郁嘅肉味，個烏冬都炒得有水準，食到呢一味菜已經幾飽😄火炙丼 係有啲飽嘅情況下食呢個覺得呢個仲唔錯喎☺️首先佢個飯係好好味，魚生方面經過火炙，一上菜嘅時候已經香噴噴，令人垂涎欲滴。除咗三文魚、鰻魚、帶子，仲有蟹柳，份量都唔少，我覺得好值得食！野飲揀左可樂同菠蘿汁，菠蘿汁裏面真係有菠蘿㗎😆😆日式芝士蛋糕 救命，好好食，creamy到😻估唔到套餐嘅甜品都咁高質日式年糕配朱古力醬救命救命救命，呢個仲好食，佢熱熱地，食落口感好好，軟滑中帶香甜🥰🥰🥰估唔到呢度啲嘢食咁好味喎，回頭率高😛呢度啲座位好闊落，客人雖多，但係都覺得安全，而且呢度都有量體溫，亦有提供紙巾等，所以覺得食飯都好安心