老三油渣麵王

Open Now

Now Closed

聽老闆老闆娘講 老闆以前係某某名店 出身但因為某些緣故要自立門戶， 佢啲豬油渣麵 與及普通車仔麵配搭 都係好味嘅， 個湯飲完都冇口渴， 不過呢佢地方真係 好窄 人多坐嘅話唔係好夠坐， 放學時間啲學生哥帶埋書包入嚟就更加 坐到冇定坐， 夏天天氣熱嘅時候都比較惡頂。 其實佢有啲小食可以揀嘅 款款質素都叫做 可以接受， 價錢 比一般普通車仔麵店高少少， 但唔係 離譜嗰種。 揸車 過嚟 食有度好處就係門口有咪錶位， 好彩嘅 拍到就可以慢慢食。 老闆娘態度親切， 但可能基於地方同埋人手所限， 而且好多人排外賣， 都預咗要等下。