The Point (Closed)

闲日同阿妈行街，专登唔同人逼，差唔多两点先嚟食lunch。一入嚟人唔多，个waitress执紧台，问我哋有冇book位，我以为生意好成咁，其实后来全程都系得三台客。冇book就叫我哋坐门口嗰张台，咁我哋都无所谓啦。嗌咗两个set lunch，两个都係要pizza，我指住个forest pizza同个waitress讲要呢个，佢问我係咪第一个，我话係，见佢落单系呢个逻辑，跟住我点green neptune pizza嘅时候就指住，兼且同佢讲要第三个pizza。但最后嚟咗forest同埋carnivore...我哋开头冇为意上错咗，到食咗啖先发觉，我阿妈係想息事宁人，我其实亦冇要换过嘅意思，但我觉得都要话返俾个waitress知，点知一同佢讲，佢就一句得埋嚟话“你哋都食紧啦”，我话“我係食紧，但係都想话俾你知你落错单”，佢重继续反击话“你要二、三吖嘛，咪岩啰”，我话“但系呢度系一、二，点都係唔岩”，个waitress先好勉强咁讲咗句“唔好意思啰”。我当然知我已经食咗，就算个waitress主动提出话换过，我都唔想浪费，唔会真係走去换，但至少佢要承认落错单吖……嗰刻好同情个superviso