One & A Half

Open Now

Now Closed

趁暑假仲得閒，約咗朋友同佢個b女去high tea，b女好乖，全程食嘢都訓左覺，無吵到餐廳入面其他人，我地可以安心嘆返個tea。呢個high tea set有4款咸食，7款甜食，甜品比較多，咸既比較日式。呢個係黑松露野菌芝士酥盒，有一片黑松露系頂，仲有啲芝士，酥盒入面有啲忌廉嘅餡。炸忌廉蟹肉薯餅都好食，入面啲忌廉餡幾滑。呢個係牛油果醬煙三文魚牛角酥，用咗牛角包壓成窩夫模樣，微微脆。食完咸就食甜！甜品最吸引我嘅係雪糕，個眼神好盞鬼，比利時朱古力味都幾濃，不過太細支，一啖就無左！呢個係芒果忌廉泡芙，芒果肉幾甜，入面係吉士醬。2杯都叫咗冰果茶，甜甜地，有啲似水蜜桃味。連埋加一$300有找，元朗比較少呢種3層既下午茶Set，而且要就返朋友帶住個b女，所以我地至在有個舒服又近既地方傾下計聚下。