盈記四季養生麵館

Open Now

Now Closed

今日去完美食節，去咗灣仔呢間盈記養生麵館，入到去店員推介藥膳花膠雞，藥膳雞芫荽麵及涼拌手撕雞青瓜紅薯粉，同行朋友唔食辣嘢，所以我哋都叫咗兩個雞湯麵試吓。我嘅芫荽雞湯麵上枱，即刻聞到少少藥膳的味道，見到個湯頭有啲杞子，木耳，好多紅棗，雞肉同埋芫荽。第一件事試吓佢哋個湯底，湯底有少少藥材味，味道香濃，好清澈入口順滑，藥材味啱啱好，唔會太苦。有4件雞件好嫩滑，入口有雞味，雞皮夠薄，唔會搞到湯底油淋淋。配埋大量嘅芫荽，所以成個米線好清爽，我食麵基本上都會飲晒啲湯，呢度嘅湯飲完係唔覺得口渴，有鮮味得來又唔會太鹹！朋友點花膠雞米粉，俾我嘅就多咗兩塊花膠，花膠入口帶點爽脆，唔會有杰身嘅芡汁，所以唔會咁滯，連埋雞湯一樣咁香濃好味，應該滋潤啲，對皮膚應該再好啲！呢度雖然叫藥膳，但係店家應該配合天氣，所以夏天食完，感覺都好舒服，唔會㷫烚烚，適合四季，感覺潤而不躁！