四季良晨 (新都城中心) (Closed)

今日同朋友嚟咗寶琳shopping，想食新都城食埋飯先走，行經呢間台灣菜餐廳—四季良晨，心思思好想食，所以同朋友決定咗食呢間餐廳😋我地兩個人叫咗2個原盅燉湯定食套餐，一個揀咗鹽酥雞排滷肉飯，一個揀咗麻辣口水雞定食，套餐包上湯浸時菜同原盅燉湯，又月嘢食又有湯飲，份量好多，超正👍🏻鹽酥雞排滷肉飯 ($76)- 鹽酥雞排份量好大，炸到金黃色，好吸引- 外皮炸到超級香脆，咬落卜卜脆，食到好滋味- 雞肉肉質鮮嫩，非常好味麻辣口水雞定食 ($88)- 麻辣口水雞己有驚喜，雞件嫩滑，幾有鮮味- 麻辣口水汁幾辣，辣得幾惹味- 雞件數量都好多，食得好滿足紫薯珍珠黑糖冰仙草 ($35)- 配料超級豐富，有紫薯、珍珠、椰果、仙草同埋黑糖沙冰- 味道甜甜哋，黑糖味超突出鐵觀音珍珠鮮奶茶($28)- 鐵觀音茶味幾香濃，茶底都幾濃郁- 珍珠好Q彈，好有咬口黑糖珍珠鮮奶 ($29)- 黑糖味好香接甜，濃濃嘅黑糖味齒頰留香，好好味- 鮮奶都幾香濃，入口順滑環境都幾衛生乾淨，設計都好比心機，有好多靚靚嘅裝飾，有花牆、特色書架等等，啱晒打卡，坐得又舒服，而且整體嚟講食物都好唔錯，$200左右就搞掂兩個人嘅晚餐，超高CP值