Video
Read full review
2024-10-22
2607 views
之前在將軍澳食過小野人，佢係四川風味餐廳，有串燒同燒海鮮，另外仲有D主食，各方面都幾好。而加沙田都開左分店，咁就要食吓先。餐廳好新，燈光光猛，環境乾淨整齊。呢度用QR code落單，我同老公每款種類都點D。小野人清酒煮蜆：蜆肉新鮮帶甜味，清酒味濃，下面有個火爐keep住warm，暖暖地飲埋個清酒又幾正。蒜蓉烤新鮮生蠔：生蠔大隻，蒜蓉味香，好鮮味。烤辣滷豬手：豬手好淋，好多骨膠原，少少辣，咁樣整味道都OK喎。酥炸花枝墨魚丸：剛炸起好熱，咬落彈牙，點埋旁邊甜辣醬仲好食。Q彈大魷魚：魷魚彈牙，無腥味，好香口。串燒：串燒已燒好，唔駛自己燒。下面個燒爐擺放左蠟燭，一路食都唔會凍晒。烤雞軟骨爽口；烤海中蝦新鮮，蝦肉實正；烤多春魚都幾juicy；烤小牛肉串食落帶肉汁，有咬感，辣辣地，幾惹味；烤鮮冬菇水份已燒乾，菇味較濃。小野人黑松露蘑菇烤飯：飯烤得夠焦香，裡面有沙律醬汁，仲有芝士一齊焗，每口都食到有黑松露同蘑菇，好有層次感。整體味道出奇地夾，幾好食。另外仲有個隱藏食法，可以用紫菜包住食添。小野人重慶酸辣粉：唔食辣唔緊要，辣度可自己揀。花生夠脆好香，酸辣粉非常入味，酸酸辣辣，小辣都已經夠晒惹味，我就幾
餐廳好新，燈光光猛，環境乾淨整齊。呢度用QR code落單，我同老公每款種類都點D。
小野人清酒煮蜆：蜆肉新鮮帶甜味，清酒味濃，下面有個火爐keep住warm，暖暖地飲埋個清酒又幾正。
蒜蓉烤新鮮生蠔：生蠔大隻，蒜蓉味香，好鮮味。
烤辣滷豬手：豬手好淋，好多骨膠原，少少辣，咁樣整味道都OK喎。
酥炸花枝墨魚丸：剛炸起好熱，咬落彈牙，點埋旁邊甜辣醬仲好食。
Q彈大魷魚：魷魚彈牙，無腥味，好香口。
串燒：串燒已燒好，唔駛自己燒。下面個燒爐擺放左蠟燭，一路食都唔會凍晒。烤雞軟骨爽口；烤海中蝦新鮮，蝦肉實正；烤多春魚都幾juicy；烤小牛肉串食落帶肉汁，有咬感，辣辣地，幾惹味；烤鮮冬菇水份已燒乾，菇味較濃。
小野人黑松露蘑菇烤飯：飯烤得夠焦香，裡面有沙律醬汁，仲有芝士一齊焗，每口都食到有黑松露同蘑菇，好有層次感。整體味道出奇地夾，幾好食。另外仲有個隱藏食法，可以用紫菜包住食添。
小野人重慶酸辣粉：唔食辣唔緊要，辣度可自己揀。花生夠脆好香，酸辣粉非常入味，酸酸辣辣，小辣都已經夠晒惹味，我就幾鐘意。
飲品：台灣珍珠奶茶叫左少甜少冰，味道可以。元氣森林水果茶超大杯，生果有藍莓、百香果、檸檬、青檸同青蘋果等，夠冰凍，食串燒飲佢啱晒。
Post
