撒冒小面

Open Now

Now Closed

喺奧海城見到過江龍餐廳撒冒有串燒放題，亦主打冒菜，都幾特別，就去試下！餐廳有室內同室外座位，感覺好chill。我哋除咗串燒放題，另外再叫咗個金湯酸菜魚，味道非常唔錯，食得好滿足！串燒放題嘅選擇非常多，除咗串燒之外仲有冷盤、涼菜等等，加埋應該都有幾十款，款式之多，雖然好想試晒所有款式，但都驚食唔晒而唔敢叫咁多。我哋主要食串燒，串燒嘅款式都是得7788 ，每一樣都好好食，尤其係羊肉、新疆小肉串、五花籃、掌中寶（雞軟骨）、魷魚鬚，同埋豬脆骨，味道真係冇得頂，好有風味。鍾意食串燒嘅不容錯過！另外我哋都試咗雞腳筋同粟米，都幾得意呀，呢兩樣加埋豬脆骨都冇試過，原來味道係咁好！另外涼菜我哋都叫咗麻辣鍋巴土豆、粒粒香、虎皮鳳爪、小酥肉，味道都唔錯，尤其推薦麻辣鍋巴土豆，味道不會太辣，但因為佢用咗蜜糖去煎，食落口嘅口感外面非常香脆，而裏面嘅土豆又係另一種口感，食落去嘅味道加埋口感好特別！粒粒香係好似牛肉乾咁，越食越上癮。金湯酸菜魚嘅辣度有得揀，味道非常好，湯底味道夠濃，而且魚肉非常滑同厚肉，配埋餐廳嘅手打面，又滑又彈牙，非常好味，而且份量亦都多。食咗咁多辣嘢又點少得一罐冰涼嘅可樂同埋甜甜的紫米豆漿，簡直